“သတ္တိခဲချေ”
အဝေး သတ္တိခဲချေ။ မင်းမျက်လုံးထဲကတဖိတ်ဖိတ်လက်နီရေအရောင်၊ တညိန်းညိန်းတောက်နီရေအရောင် တိနောက်မှာ မင်းနိုင်ငံနန့်မင်းလူမျိုးအတွက်မင်းဇာလောက်အားစိုက်ထားလဲဆိုစော်ငါတွိလိုက်ရေ။ဒေမျက် လုံး အိမ်ရဲ့မျက်ဝန်းထဲမှာမင်းရဲ့ ကိုယ်ကျိုးမပါစွန့်ရွှတ်မှုတိနန့်ပီးဆပ်မှုမှတ်တမ်း အသစ်ရောအဟောင်းတိကို ပါမင်းကဝှက်ဖို့ကြိုးစားနီစော်ကိုငါအရိပ်ကျလိုက်ရေ။ယင်းမျက်ဝန်းချေအဓိပ္ပာယ်ကိုမင်းမပြောပြကေလေ့ငါ့ စော်ငါဘာသာပြန်လို့ဆွဲဆန့်ကြည့်ကေ မင်းရဲ့ လူပျိုမှတ်တမ်းနုနုထွဋ်ထွဋ်ကကြက်သောက်ဆမ်းတစ်ခွက် ပိုင်ဟိလီဖို့လို့ငါယုံကြည်ရေ။
အဝေး သတ္တိခဲချေ။ မင်းရဲ့ညို့အားပြင်းရေမျက်လုံးအောက်မှာနောက်ထပ်တွိလိုက်ရစော်က ရက္ခိုင်အပျို ပေါက်စကြက်သန်းကိုက်မဒန်းချေတိ မင်းရို့ငါရို့အလာကိုဇာပိုင်မျိုးပုံစံနန့်စောင့်နီလီကတ်ဖို့ဆိုရေ ရိုးရိုး ရှင်းရှင်းချေတွေးနီရေ မင်းရဲ့ အားကောင်းမောင်းသန်လူပျိုပေါက်စအတွေးသန့်သန့်ချေတိဖြစ်တေ။
အဝေး သတ္တိခဲချေ။ မင်းငါ့ကိုမဝါကေ့။ တနားကမင်းရယ်လိုက်စော်ကမင်းရို့ငါရို့ကိုစောင့်နီကတ်တေ အဘိုး၊အဘောင်၊အဘာ၊အမင်၊အမျိုး တိနန့်ရက္ခိုင်သမီးပျိုသန်းပေါင်းများစွာတိရဲ့ ရယ်မောသံချေတိကို စိတ်ကူးနန့်မင်းလိုက်ရယ်နီစော်မဟုတ်လား။မင်းတနားက ခြစ်လိုက်တေအမာရွတ်က ကောင်းမကြာရေ အချိန်တုန်းကဖြစ်ခရေ တိုက်ပွဲမှတ်တမ်းတစ်ခုဆိုစော်ကမင်းမပြောပြကေလေ့ရဲဖော်ရဲဖက်အပေါင်းက မင်းရဲ့တာဝန်ကျီပွန်မှု ၊ အမိန့်နာခံမှုအားကောင်းကြောင်းကိုပြသနီစော်မဟုတ်လား။
အဝေး သတ္တိခဲချေ။ သူများတိအတွက် စနီ၊တနင်္ဂနွီ၊အခါကြီး၊နိကြီး၊သင်္ကြန်၊ဝါကျွတ်၊တန်ဆောင်တိုင်ဟိကေ လေ့မင်းအတွက်ကတော့ တစ်ရက်မှာ ၂၄ နာရီဆိုရေပိုင်ဆိုင်မှုကလွဲလို့ထူးမခြားနားမှန်း ငါနားလည်ရေ။မင်း အနီနန့်စစ်ပွဲလိုမလိုလားကြောင်းငါသိကေလေ့ ကိုယ့်လူမျိုးရဲ့ဘဝပီးအခြီအနီ၊ သမိုင်းရဲ့တောင်းဆိုချက်၊ အခြီအနီရဲ့လိုအပ်ချက်တိအရစစ်မှုတာဝန်ထမ်းဆောင်နီရစော်မှန်းငါသိရေ။
အဝေး သတ္တိခဲချေ။ မင်းမျက်ဝန်းထဲမှာနောက်ထပ်တွိလိုက်ရစော်က မင်းပယှောင်မျိုးမင်းအမျိုးတိ၊ သူငယ်ချင်းတိကိုမင်းပိုင် ရက္ခိုင်နိုင်ငံနန့်ရက္ခိုင်လူမျိုးတိအတွက်တာဝန်ထမ်းဆောင်ဖို့ဇာကြောင့်ယှောင်လွှဲ ပနာသတိမရကွန်ဆောင်နီကတ်လေ့ဆိုရေ အားမလိုအားမရမှုတိရာဖြစ်တေ။ မင်းနန့်အတူ လာခရေသူငယ် ချင်း၊ ကိုယ်ပိုင်နံပရှေ့ဆင့်နောက်ဆင့်၊သစ္စာတတူတူဆိုပနာသစ္စာရီတတူတူသောက်ခတေမင်းသူငယ်ချင်း တိ မင်းနန့်မင်းတပ်မတော်ကိုစွန့်ခွာ လားလို့ဝမ်းနည်းနီမှန်းငါသိရေ။ယေကေလေ့ ငါထပ်သိလိုက်ရစော်က မင်းစော်မင်းအလုပ်ကိုမင်းလုပ်ယင်း မင်းတာဝန်ကိုတာဝန်ကျီရေ ရက္ခိုင့်တပ်မတော်ကအားကိုးလောက်ရေ သတ္တိခဲရဲဘော်တစ်ယောက်ဖြစ်ရေ ဆိုစော်ရာ။
မင်းရည်မှန်းချက်၊မင်းဆန္ဒတိပြည့်ဝပါစီ။
Dr.Nyo Twan Awng
7 July , 2015 , Tuesday , 10:07 AM
7 July , 2015 , Tuesday , 10:07 AM
No comments:
Post a Comment